موٹرولا کمپنی کی جانب سے ایک نیا اور سستا 5 جی فون متعارف کرایا گیا ہے جس کا نام موٹو جی 51 ہے۔

اس حوالے سے بتایا جارہا ہے کہ موٹو جی 51 میں 6.8 انچ کا آئی پی ایس ڈسپلے ایچ ڈی پلس ریزولوشن اور 120 ہرٹز ریفریش ریٹ کے ساتھ دیا گیا ہے۔

فون کے اندر اسنیپ ڈراگون 480 پلس پراسیسر موجود ہے جو اسنیپ ڈراگون 480 کا کچھ بہتر ورژن ہے اور اس سے لیس فونز میں 8 جی بی تک ریم شامل کی جاسکتی ہے۔

فون کے فرنٹ میں پنچ ہول ڈیزائن میں چھپا ہوا 13 میگا پکسل کیمرہ ہے، جب کہ پچھلے حصے میں 3 کیمروں کا سیٹ اپ ہے۔

فون میں 50 میگا پکسل کا مین کیمرہ ہے جس میں 8 میگا پکسل کا الٹرا وائیڈ اور 2 میگا پکسل کا میکرو کیمرہ ہے۔

موٹرولا کا سستا ترین 5 جی فون متعارف

ڈیوائس میں 5000 ایم اے ایچ کی بیٹری ہے جبکہ بیک پر فنگر پرنٹ سکینر دیا گیا ہے۔

اس ڈوئل سم فون میں 5 جی کے ساتھ ساتھ وائی فائی 5، بلیو ٹوتھ 5.2، جی پی ایس، یو ایس بی ٹائپ سی اور ہیڈ فون جیک جیسی خصوصیات بھی ہیں۔

اس فون کی قیمت 235 ڈالرز (39 ہزار پاکستانی روپے سے زائد) رکھی گئی ہے مگر دستیابی کی تاریخ کا فی الحال اعلان نہیں کیا گیا۔

Share: