honda CG 150
اٹلس ہونڈا نے پاکستان میں دو نئی موٹر سائیکلیں متعارف کرائی ہیں، جن میں شامل ہیں ہونڈا CG 150 اور کمپنی کا پہلا الیکٹرک اسکوٹر Icon e۔ یہ لانچنگ روایتی اور الیکٹرک ٹرانسپورٹ دونوں میں ایک اہم قدم ہے، خاص طور پر پاکستان میں بڑھتی ہوئی ماحولیاتی فرینڈلی سواریوں کی ضرورت کے پیشِ نظر۔
نئی ہونڈا CG 150 کو 150cc کیٹیگری میں ایک بجٹ فرینڈلی آپشن کے طور پر متعارف کرایا گیا ہے، بالکل اسی طرح جیسے CG 125 اپنی کلاس میں مشہور ہے۔
یہ موٹر سائیکل ریٹرو اسٹائلنگ کے ساتھ آتی ہے، جس میں کلاسک گول LED ہیڈلائٹ، کروم مڈ گارڈز، میٹ گرین فیول ٹینک اور گولڈن بیجنگ شامل ہیں۔ جدید فیچرز میں ایلائے رِمز، CBS بریکنگ سسٹم اور ڈیجیٹل-اینالاگ میٹر شامل ہیں۔
CG 150 کے ساتھ ہی اٹلس ہونڈا نے اپنا پہلا الیکٹرک اسکوٹر Icon e بھی متعارف کرایا ہے، جو پاکستان کی قومی الیکٹرک وہیکل پالیسی (NEVP) کے تحت تیار کیا گیا ہے۔
کمپنی نے بتایا کہ Icon e کو لانچ سے پہلے روڈ ٹیسٹنگ اور کوالٹی چیکنگ کے مکمل مراحل سے گزارا گیا ہے تاکہ صارفین کو بہترین تجربہ فراہم کیا جا سکے۔
ایک طرف CG 150 روایتی بائیک کے شوقین افراد کے لیے کلاسک ڈیزائن اور جدید سہولیات کا امتزاج پیش کرتی ہے، جبکہ دوسری طرف Icon e الیکٹرک اسکوٹر ان صارفین کو ٹارگٹ کرتا ہے جو ماحول دوست اور کم خرچ الیکٹرک سواری چاہتے ہیں۔
CG 150 اور Icon e کی لانچنگ سے اٹلس ہونڈا نے پاکستانی مارکیٹ میں نئی سمت اختیار کر لی ہے۔ یہ قدم مقامی بائیک مارکیٹ میں روایتی اور الیکٹرک دونوں شعبوں میں جدت اور تنوع لے کر آئے گا۔
وٹامن ڈی ایک بنیادی غذائی جز ہے جو جسم کے کئی اہم افعال میں مدد…
موسم سرما میں کھائی جانے والی روایتی اور مرغوب ترین ڈش سرسوں کا ساگ نہ…
آج کل زیادہ تر اسمارٹ فون صارفین چاہتے ہیں کہ ان کے فون چند منٹوں…
اگر آپ پنجاب پاکستان میں رہتے ہیں اور گھر بیٹھے آن لائن ڈرائیونگ لائسنس حاصل…
کم عمری میں سر کے سفید بال اب ایک عام مسئلہ بنتے جا رہے ہیں۔…
Motorola نے اپنا نیا بجٹ اسمارٹ فون Moto G57 Power 5G بھارت میں 24 نومبر…