ویسے تو آج کل ہر کوئی واٹس ایپ سے واقف ہے اور اس کا استعمال خاص طور پر نوجوانوں میں بہت مقبول ہے۔ اب خوشخبری یہ کہ واٹس ایپ میں بہت جلد لینڈ لائن نمبروں پر بھی فون کرنا ممکن ہوگا. جی ہاں واقعی واٹس ایپ میں ایسا ہونے والا ہے تاہم یہ واٹس ایپ کی نئی ایپ میں ممکن ہوسکے گا جو کہ اس اپلیکشن کے ریگولر ورژن سے مختلف ہوگی. واٹس ایپ اس کے لیے الگ سے ایپ متعارف کروائے گا.

گم یا چوری شدہ فون کا سراغ کیسے لگایا جائے؟

درحقیقت واٹس ایپ بزنس کے نام سے ایک نئی ایپ تیار کی جارہی ہے جس کے متعدد فیچرز لیک ہوکر سامنے آگئے ہیں اور ان میں سب سے دلچسپ اور کارآمد ایپ کا لینڈ لائن نمبر سے منسلک ہونا ہے. جو لوگ بھی اس نئی واٹس ایپ میں سائن اپ ہوں گے وہ واٹس ایپ بزنس اور ریگولر واٹس ایپ کو الگ الگ ایک ہی فون میں استعمال کرسکیں گے. اس سے لوگوں کے لیے اپنی نجی اور پروفیشنل زندگی کو الگ کرنا آسان ہوجائے گا. مگر اہم بات یہ ہے کہ واٹس ایپ بزنس ایپ کے ساتھ کمپنی کے لینڈ لائن نمبر کو منسلک کیا جاسکے گا اور اس طرح وہ اپنے نجی نمبر کو سیکڑوں یا ہزاروں اجنبیوں کے ہاتھوں میں جانے سے بھی روک سکیں گے.

2017 کے ٹاپ اسمارٹ فون

واٹس ایپ کمپنیوں کے صارفین کے پیغامات اور کالز لینڈ لائن نمبر تک رسائی حاصل کرسکیں گے مگر بزنس اکاﺅنٹ صارفین اپنے موبائل پر بھی انہیں دیکھ سکیں گے. واٹس ایپ اور واٹس ایپ بزنس کو الگ ثابت کرنے کے لیے اس نئی ایپ کا لوگو بھی کچھ مختلف ہوگا. ویسے تو یہ نئی ایپ دوسری واٹس ایپ سے کافی ملتی جلتی ہوگی مگر اس میں دو اضافی سیکشن مینیو میں موجود ہوں گے اسٹیٹیکس اور بزنس سیٹنگز.

اس نئی ایپ کی تیاری کا مقصد کاروباری افراد اور عام صارفین کے لیے اس پلیٹ فارم میں رابطوں کو آسان بنانا ہے. یہ نئی ایپ فی الحال صرف بیٹا ٹیسٹرز کو ہی دستیاب ہے مگر بہت جلد اسے متعارف کرا دیا جائے گا.

Share: